REGUEIFANDO NA ACTUALIDADE

Os rapaces de 4º de ESO tamén estiveron inmersos no proxecto do Concello de Santiago "Enregueifate", para concursar crearon por equipos tres fermosas regueifas, todas elas de temática moi actual.
A primeira regueifa versaba sobre os seus recreos, no que o fútbol o invade todo e ás veces saen do campo con algunha pequena lesión.

A segunda regueifa trataba dos problemas cotiás en 4º de ESO, das materias e dos profesores, pero sempre desde o cariño.

E a terceira falaba do paso polo colexio. Nela cantaban os marabillosos anos de EI, a ilusión de EP e o traballo , valor da amistade e risos que aconteceron es Secundaria.

Foi unha actividade que os enganchou desde o principio. Compuxeron a Regueifa como equipos cooperativos e encantoulles poñela en práctia e concorrer ao concurso do Concello de Santiago.
Foi unha mágoa non ter gañado, pero a ilusión de participar non nola quita ninguén.